Liñas de investigación
Contaminación por metais pesados en solos e augas
Estudo da acumulación, distribución e mobilidade de metais pesados en solos e augas, incluíndo procesos de adsorción, desorción, transporte e fraccionamento, así como a súa toxicidade e impacto sobre os microorganismos do solo.
Fitosanitarios e contaminantes emerxentes
Investigación sobre a presenza, mobilidade e degradación de contaminantes orgánicos, como pesticidas, herbicidas e funxicidas, e de contaminantes emerxentes, entre eles antibióticos e microplásticos, así como os seus efectos sobre os ecosistemas do solo e da auga.
Nanorremediación e fitorremediación
Desenvolvemento de tecnoloxías innovadoras baseadas no uso de nanopartículas e plantas para a recuperación de solos e augas contaminadas por metais pesados, contaminantes orgánicos e outros compostos de interese ambiental.
Mercurio e metilmercurio nos ecosistemas
Análise da presenza, acumulación e transferencia de mercurio e metilmercurio entre os compoñentes bióticos e abióticos dos ecosistemas terrestres e acuáticos, avaliando o seu comportamento ambiental e os seus riscos ecolóxicos.
Biodiversidade e actividade microbiana dos solos
Avaliación do impacto dos sistemas de produción agrícola e das prácticas de manexo sobre a biodiversidade e a actividade microbiana do solo, así como da súa relación coa saúde das plantas, a produtividade agrícola e a prestación de servizos ecosistémicos.
Aproveitamento de residuos para a agricultura
Valorización de subprodutos agroalimentarios e forestais, como codia de piñeiro, cuncha de mexillón ou cinza de biomasa, para o desenvolvemento de bioadsorbentes de baixo custo destinados á recuperación e mellora de solos agrícolas degradados.