Inicio

 

Grupo de investigación BV1

O grupo de investigación Planta, solo e aproveitamento de subproductos é un grupo multidisciplinar composto por unha vintena de profesionais de tres áreas de coñecemento: botánica, edafoloxía e química agrícola, e enxeñaría química. O grupo é de recente creación e fórmase pola unión de tres grupos de investigación previos, con datas de creación entre 1998 e 2006. A maior parte das instalacións do grupo están na Facultade de Ciencias da Universidade do Vigo (no campus de Ourense).

Os seus membros levan máis de vinte anos traballando en diversos aspectos relacionados co sector agrario, cun marcado carácter medioambiental, estudando a evolución e reducción dos contaminantes nos solos e augas, derivados de diferentes actividades productivas; a influencia do cambio climático nos cultivos e na saúde ambiental; así como o aproveitamento de subproductos e residuos forestais e agrícolas, para obter compostos de alto valor engadido.