InMerForEcos estuda o ciclo do mercurio en ecosistemas forestais do suroeste de Europa

O proxecto estatal InMerForEcos, financiado polo Ministerio de Ciencia e Innovación, busca ampliar o coñecemento sobre o ciclo do mercurio e as súas interaccións co solo, a vexetación e outros compoñentes dos ecosistemas forestais en zonas pouco contaminadas.
O proxecto está liderado por Juan Carlos Nóvoa Muñoz, investigador principal (IP), e conta coa participación de Flora Alonso Vega, ambos da Área de Edafoloxía e Química Agrícola e integrantes do noso grupo BV1 (Planta, Solo e Aproveitamento de Subprodutos).
Cunha duración de tres anos, a investigación afonda no papel das especies arbóreas na deposición do mercurio atmosférico e nos posibles riscos da súa acumulación para os ecosistemas terrestres e de auga doce.
