O grupo BV1 participa no 23rd World Congress of Soil Science en Nanjing
Andrés Rodríguez Seijo participou no 23rd World Congress of Soil Science, celebrado en Nanjing (China), onde presentou dous traballos relacionados cos proxectos europeos BIOservicES e InBestSoil.
No marco do congreso, presentou unha comunicación oral centrada na distribución de pesticidas a escala europea, desenvolvida no marco do proxecto BIOservicES, no que exerce como responsable dun dos paquetes de traballo (WP Leader).
Ademais, presentou un póster cos resultados obtidos nos casos de estudo LH2 e LH3 do proxecto europeo InBestSoil, do que é coordinador.
O 23rd World Congress of Soil Science reuniu investigadores e investigadoras de todo o mundo para compartir os últimos avances no ámbito da ciencia do solo e favorecer o intercambio de coñecemento e o establecemento de novas colaboracións internacionais.
