Dous proxectos do grupo BV1 reciben apoio do Campus Auga

O grupo Planta, Solo e Valorización de Subprodutos (BV1) suma dous novos proxectos de investigación apoiados polo Campus Auga, liderados polos investigadores Paula Pérez Rodríguez e Andrés Rodríguez Seijo.

As axudas, concedidas no marco da convocatoria do Campus Auga da Universidade de Vigo para proxectos de investigación de persoal con traxectoria excelente, permitirán avanzar en dúas liñas de investigación do grupo: o secuestro de carbono e a materia orgánica do solo, e a detección de substancias per- e polifluoroalquiladas (PFAS) en solos agrícolas de Galicia.

A convocatoria, dotada con 80.000 euros, ten como obxectivo impulsar a captación e retención de talento investigador e fortalecer as liñas de investigación do Campus Auga.

Máis información na noticia publicada polo DUVI